أستغفر الله كن الاشواق ترجيه

؛؛مدخل؛؛
ان كنت ناسي فانا باقي على عهدك
يحـــلا لـــي الـموت مازليت عن عهدي


من حقك تغيب وأن زان الزمن ردك
مـن حـقي أقـول لا لا تــنـتـظر ردي



صباح/مساء الخير

اضع بين ايديكم هذه القصيده من ارشيفي
وأتمنى ان تنال على اعجابكم

(((الله من قلبٍ)))





الله من قلبن تعله وتبريه
بعض الطواري لالفت شرقت به
مره تسانع له ومره تسليه
ومره تقرب به ومره غدت به
والقلب من فرقا الحبايب موازيه
همٍ بجوفي والحنايا طوت به
فرقاك سل الروح والقلب مشقيه
ياويل حال اللي همومه سطت به
حبك بقلبي والمحاني تداريه
عزاه ياقلبٍ عشقها سرت به
ماشوف غيره في عيوني وأحليه
منه الحلا والناس به شبهت به
أستغفر الله كن الاشواق ترجيه
من عذرها بالزين لو هايفت به
لوكان شوفه في بعيد المداليه
رجلي ترا درب المهالك مشت به
أقطع جراهيد السهال الرهاريه
وأسوقها يم الخطر مادرت به
ياما داعني نبض قلبه وألبيه
ريميةٍ وسط الحشا دوجت به
قلبي يجنب غيرها لو تناديه
حتى بعالي الصوت لوطوحت به
واليوم تجزاه بجفاها وتشقيه
أنا أشهد أنه بالجفا عذبت به
ماكنها تدري عن القلب وشفيه
ولاكنها يوم الوداع انتحت به
ولاكنها من صدها اليوم تسقيه
سم العنا ليه الوفي لوّعت به
راحت وأنا جرحي خفوقي يواسيه
لي عزةٍ لو بالجفا غربلت به
يابنت بأنسى دام الانسان تكفيه
حلو الليالي لوبعضها عثت به









؛؛مخرج؛؛
وعدتني شي وين الصدق في وعدك
(وعدتك أشياء) قل لي خنتك بوعدي
مــاقـلـتـهـا مزح والله عـارفٍ قـصـدك
والله يسامحك كانك جاهلن قصدي


وسلامتكم