ابليس ناوي الرحيل

بسم الله الرحمن الرحيم

نـقـدم لـكم الحقيقة الحصرية ..!

إبليس ناوي يغادر ..

إيميل العام 2010م

ابليــــس يصـــف الوضـــع والحالـــة في البلاد

كان إبليس في غرفته , يلملم ملابسه في حقيبة إلى جانب باقي متعلّقاته على المنضدة القريبة كانت استقالته موقّعة ومختومة حسب الأصول
وبجوارها تقع تذكرة سفره إلى جزر برمودا الديمقراطية ..

كانت ملامح وجهه في تلك اللحظات تنطق بالحزن

والكآبة

والإحباط

واليأس

وقلّة الحيلة

مع دهشة مزمنة ارتسمت عليه منذ فترة ليست بالقريبة , واعترافٍ بالعجز والفشل

إبليس راحلٌ عن بلادنا إلى غير رجعة

وين يامسهّل ؟؟ ليش تجمّع أغراضك !!

يارجال مالي قعدة عندكم , صارلي سنين عاطل عن العمل

وقرّبت أموت من الجوع .. أقول معك دخانه بس ؟

ماراح أترك فيكم لا وسواس ولا خنّاس !

كنت من زمان أوسوس للوحدة تترك ولدها يبكي وهي تسولف مع جاراتهم

الحين صاروا لحالهم.. يرمون عيالهم أوّل ما يجون

كنت أوسوس للواحد ينام قبل الصلاه عشان ما يصلي

الحين الواحد صاحي وقت الصلاه ولا كأنه يسمع الامام يصلي يا رجال ..

اقسم بالله جبتو اشياء ما كانت تخطر على بالي اسويها

كنت أوسوس للشاب إنه يرميله كلمة للبنت وهي ماشية بالشارع

صاروا البنات يرمون للشباب كلام أنا استحي أقوله يازلمه !!

واحد يسرق 4 او 5 مليون عيني عينك يسجنونه 3 سنين بفيلاّ عالبحر

وابو 5 اطفال يبيع عند المدرسه بطاطس وعصير عشان يوكل عياله يصادرون بضايعه بحجة انه ممنوع !!

وباقي تقولي ليش اجلس ؟

صار عندكم فائض بالفساد يكفّي 30 سنة قدّام ,

صرت أخاف على نفسي منكم يا رجال !!

انا غسلت يدي منكم من اربعين سنه اذا مو اكثر ماني متأكد والله لأني ما اهتم بالتواريخ
ومع هذا تصدق يابو حميد لو تهاوشو عليهم بزران قالو شيطان
وش دخلني بينهم انا مغسل يدي منكم من اربعين سنه وهذي بلاويكم وخفّت عقولكم يا ابني

صرت مرّات أوسوس بالمقلوب .. أقول للمسؤول إرحم

وللحرامي وقف .. خلّي شويّ للحراميّة اللي جايين بعدك ..

يعني إذا إنتو لحالكم تسوون كل هالبلاوي

أنا وش فايدتي بينكم غير الاتهامات الباطله ؟
ما اقول غير الله يهديكم ويسامحكم

بسافر وانا تارك لكم رسالة محب
( اخوكم ابليس يتمنى لكم الهداية ) ابليس ناوي الرحيل 773135

هه يسلموو على الموضوع الرائع

مشكووور يا الجارح
على المرووور